V2
REGISTRES DU BUREAU
[i54o]
Ville et que, en commémoration d'iceulx, il pleust à lad. compaignée préférer oud. estat de Conseiller MB Dreux Budé, filz aisné dud. deffunct. Ce faict, se sont retirez. Et a esté procedé à lad. eslection; et après les voix des eslisans en icelle recoligez, a esté
trouvé led. Lecomte avoir en icelle eslection quinze voix et led. Budé sept. Ce faict, a esté conclud que led. Lecomte seroit pourveu et receu oud. estat de Conseiller de lad. Ville. Dont led. de Thou et sire Ger­main Lelieur ont appellé de la conclusion cydessus.
XV. ----- ll" LIVRES W TOURNOIS, CHAULNY. ----- ASSEMBLEE.
5 octobre i54o. (Fol. 15 v°.)
Du ve jour d'Octobre mil v° xl.
En assemblée le jourd'uy faicte en l'Ostel de la Ville de Paris de Mess" les Conseillers d'icelle, pour adviser sur la contraincle et exécutoire décernée par le Roy à Monsr le Lieutenant cyvil pour la somme de deux mil livres tournois sur la ville de Paris pour la fortiflïcation de la ville de Chaulny; en laquelle se sont trouvez :
Mess" le Prevost des Marchans, de Montmirel;
Le Comte, Parfaict, Legras, Courtin, Esche­vins ;
Viole, Du Drac, Paillart;
Et pour ce qu'il ne s'est trouvé autre nombre, l'assemblée a esté remise à ung autre jour qui sera advisé.-
XVI. — Deliberation pour nM livres tournois, Chaulny.
21 octobre i54o. (Fol. i5 v°.)
Du jeudi xxie jour d'Octobre mil vc quarante.
En assemblée le jourd'uy faicte en l'Ostel de la Ville de Paris de Mess" les Conseillers d'icelle, pour adviser sur la somme de deux mil livres tournois demandée par le Roy à lad. Ville pour la Ibrtiffica-tion de la ville de Chaulny, et dont y a exécutoire, adressant à Monsr le Lieutenant cyvil; suivant les autres assemblées par cy devant faictes pour lad. cause, dont ne s'estoit trouvé nombre suffisant pour y adviser, et pour ce, auroient esté mandez pour la troisiesme foys f'2'. En laquelle se sont trouvez :
Monsr le Prevost des Marchans, de Montmirel;
Le Comte, Parfaict, Legras, Courtin, Esche­vins ;
Paillart, Courtin, Larcher, R. Lelieur, G. Lelieur, Prevost, Lelievre, M. de Bragelongne, Morin, Du Drac, Viole, T. de Montmirel, de Livres et Berthe­lemy, Conseillers d'icelle Ville;
Après ce que mond. sr le Prevost des Marchans a faict les remonstrances des assemblées qui ont esté par cy devant faictes pour l'affaire dont est question, qui est pour la somme de deux mil livres tournois dont le Roy a envoyé exécutoire sur lad. Ville adressant à Monsr le Lieutenant cyvil, led. exécu­toire datté du derrenier jour d'Aoust derrenier, si­gné Breton; et que nagueres, luy estant à Sainct
Germain en Laye, Monseigneur le Connestable luy auroit dit qu'il failloit payer lad. somme, autrement que le Roy seroit très mal comptant, et que nonobs­tant les remonstrances à luy faictes des grans et urgens affaires estans en lad. Ville et les grans fraiz que par cy devant avoit convenu frayer par icelle, il failloit contenter le Roy.
Et après avoir conferé et demandé les oppinyons particulieres à l'asistance, a esté conclud par les dessusdietz que lad. somme de deux mil livres tournois sera baillée entre les mains du tresorier La­guette, suyvant le bon plaisir dud. seigneur. Et pour s'excuser de l'advenir, remonstrances seront faictes au Roy des grans et urgens affaires d'icelle Ville, et des fraiz qu'il conviendra faire par chascun an, tant pour les fontaines, quaiz, murailles, hostel de lad. ville et autres reparations necessaires d'icelle. Et pour faire lesd, remonstrances, ont esté esleuz et depputtez par la compaignée dessusdicte, Monsr le Prevost des Marchans de Montmirel, Monsr M* An­thoine Le Comte, Conseiller du Roy et de lad. Ville, et Eschevin d'icelle, Monsr Me Pierre Viole, sr d'Athis, et sire Claude Lelievre, Conseillers d'icelle Ville. Lesquelz se transporteront vers la personne du Roy et parleront à luy mesmes, et feront la plus grande dilligence qu'il leur sera possible.
O ll y a bon ici et dans l'article suivant n", deux mil livres tournois, bien qu'il soit question, la première fois (cf. n° XII), de x", dix mil livres.
(2) La première assemblée avait eu lieu le 14 juin i54o (voy. ci-dessus n° XII), ct la seconde, Ie 5 octobre précédent.